हार्वर्ड युनिभर्सिटीं चीनय् कोरोना संक्रमण वंगु दँ इसं २०१९या अगस्ट निसें सुरु जूगु प्रमाण लूगु न्ह्यथंगु दु । हार्वर्ड युनिभर्सिटीया थ्व दाबीयात चीनं खारेज याःगु दु ।
हार्वर्ड मेडिकल स्कूलं अस्पतालय् वःपिं ल्वगिया ल्याः व सर्च इन्जिनया डाटाया आधारय् थ्व दाबी याःगु दु ।
समाचार एजेन्सी रोयटर्सया कथं चीनं थ्व अनुसन्धानयात हास्यास्पद धाःगु दु । उगु अनुसन्धानं संक्रमण गुबलें निसें न्ह्याःगु धका जानकारी मब्यूगु वैज्ञानिकं धाःगु दु ।
थ्व अनुसन्धानय् चीनया ऊहान अस्पतालय् पार्किङय् तयातःगु गाडी ल्याः खायेत सेटलाइट किपा छ्यःगु दु । कोरोनाभाइरस वंगु दँया डिसेम्बरय् ऊहानय् लूगु चीनया दाबी दु ।
तर अनुसन्धानकर्ताया कथं ऊहानया अस्पतालय् वैपिनि ल्याः व सर्च इन्जिन डाटाय् वृद्धि डिसेम्बर २०१९ स्वयां न्ह्यः हे खनेदु ।
युनिभर्सिटी अफ एडिनबराया भायरोलोजी विशेषज्ञ डा. पोल डिगार्डं सेटलाइट किपातं अस्पताल वैपिनि ल्याः व सर्च इन्जिनया डाटा छ्यलेगु रोचक आइडियो जूगु व छुँ ल्याखँ स्विकार्य जुइगु न्ह्यथनादीगु दु ।
ब्रिटेनया नटिंघम युनिभर्सिटीया प्राध्यापक किथ निलं धाःसा थ्व न्ह्यइपुगु ज्या जूगु तर लिच्व मबीगु न्ह्यथंगु दु ।
छ्याता
फेसबुक छ्याता