हलिंन्यंकं कोरोना संक्रमणया कारणं कोभिड १९ जूपिं मनुतयेगु ल्याः थौं ७० लख पुलेत्यंगु दु । थ्व इलय् कोभिड १९ या हुनिं सीपिनि ल्याः ४ लख पुले धुंकल । वल्र्डोमिटरया कथं कोभिड १९या कारणं सीपिनि ल्याः थौं आइतबाः सुथः ११ ता ई तक ४ लख २ द्व २ स ४१ थ्यंगु दु । अथेहे संक्रमितया ल्याः ६९ लख ८२ द्व ६१ थ्यंगु दु । वंगु निन्हुया तथ्यांक स्वयेगु खःसा न्हिथं संक्रमितया ल्याः छगु लख ३० द्व दु । थ्व ल्याखँ थौं हे संक्रमितया ल्याः ७० लख पुलि ।
नेपालय् म्हिगः ३२३ न्हूपिं संक्रमित पुष्टि जूगु खःसा लगभग छगु लख ६० द्व मनुत अझ नं क्वारान्टिनय् च्वनाच्वंगु दु । उखे कोरोनाया कारणं सीपिनि ल्याः १३ त्यंगु दुसा क्वारान्टिनय् सीपिनि ल्याः अप्वयाच्वंगु दु ।
उखे भारत एसियाया हटस्पट जुया नेपाःयात खतरा जुयाच्वंगु दु । न्हिथं १० द्व कोराना संक्रमण पुष्टि जुयाच्वंगु भारत आः हलिंया खुक्वःगु अतिसंक्रमित दे जुइधुंकल । नेपालय् थौंकन्हे खने दयाच्वंगु कोरोना संक्रमित दक्व हे भारतं वःपिं खः ।
छ्याता
फेसबुक छ्याता