नेपाःया जनसंख्या स्वंगु करोड जुल


नेपाःया जनसंख्या गुलि धका न्यंसा स्वंगु करोड धायेगु यानाच्वंगु खः । तर आः धाःसा धाथें स्वंगु करोड थ्यंगु दु । केन्द्रीय तथ्यांक विभागय् शुक्रबाः न्हिनय् नेपाःया जनसंख्या ३ करोड ६३४ क्यंगु दु ।

विभागया महानिर्देशक नविनलाल श्रेष्ठया कथं थ्व वैज्ञानिक आधारय् प्रक्षेपण याःगु जनसंख्या खः । २०६८ या जनगणनाया जन्मदर, मृत्युदर व थाय्बाय् ह्यूगु दरया आधारय् थ्व जनसंख्या क्यंगु खः ।

२०६८ सालया जनगणनाकथं नेपाःया जनसंख्या निगु करोड ६४ लख ५४ द्व व ५०४ खः । १२ क्वःगु राष्ट्रिय जनगणना २०७८ असारय् जुइ ।

Share on Google Plus

News: Newa News

    छ्याता
    फेसबुक छ्याता