येँय् मेम्ह छम्ह काेराेना पाेजिटिभ, कपिलवस्तुया ६ दँया मचा त्रिवि शिक्षण असपतालया ल्वगि


त्रिभुवन विश्वविद्यालय शिक्षण अस्पताल महाराजगञ्जया छम्ह ल्वगियात कोरोना भाइरस संक्रमण खनेदःसेंलि अस्पतालं थप रणनीति तय यायेत आकस्मिक बैठक च्वंगु दु।
त्रिवि शिक्षण अस्पतालं भर्ना जुम्ह छम्ह कोरोना पोजेटिभ खनेदूगु न्ह्यथंगु दु।
कोरोना संक्रमित खनेदुगुलिं अस्पतालयात ब्यवस्थापन यायेत थाकुगुलिं छु यायेगु धका वैठक च्वनाच्वंगु दु ।
कपिलवस्तुया ६ दँया मिसा मचा कोरोना संक्रमित जूगु थाैं स्वास्थ्य मन्त्रालयं पुष्टि याःगु खः। तर, उम्ह मचा  शिक्षण अस्पतलय् भर्ना जूगु मन्त्रालयंं न्ह्यथंगु मदु । शिक्षण अस्पतालं नं भर्ना जुम्ह थ्व हे मचा खः वा न्हूम्ह संक्रमित न्ह्यथंगु मदु।
अस्पताल शिल यायेगु मयायेगु निर्णय आः च्वनिगु अस्पताल ब्यवस्थापनको बैठकं तय यायेत्यंगु दु।



Share on Google Plus

News: Newa News

    छ्याता
    फेसबुक छ्याता