रुसया प्रधानमन्त्री मिखाइल मिसुस्टिनयात कोरोना भाइरस (कोभिड १९) या संक्रमण पुष्टि जूगु दु । कोरोना भाइरस पोजेटिभ जूसेंलि वयेकःयात अस्पतालय् तःगु दु ।
रुसी सञ्चारमाध्यमया कथं वयेकलं भिडियो कलपाखें राष्ट्रपति भ्लादिमिर पुटिनयात थःत कोरोना भाइरसया संक्रमण जूगु न्ह्यथंगु खः ।
पुटिनं वयेकःयात शीघ्र स्वास्थ्यलाभया कामना यानादिल । पुटिनं मिसुस्टिनयात थें न्ह्याम्हसित थ्व संक्रमण जुइफूगु न्ह्यथनादिल । वयेकलं कोरोना भाइरसया महामारी नियन्त्रणया लागि यक्व हे सक्रियतापूर्वक ज्या यानाच्वनादीगु खः । राष्ट्रपति पुटिनं तकं वयेकःया महामारी नियन्त्रणया नितिं याःगु ज्याया तारिफ यानादीगु खः ।
२४ घण्टाय् रुसय् ७०९९ न्हूपिं संक्रमित लुइकुगु दुसा १०१ म्ह मनुतय् ज्यान वंगु दु ।
छ्याता
फेसबुक छ्याता