नेपालय् कोरोना संक्रमणं सीपिनि ल्याः २ हे जक खः । छुँ सञ्चारमाध्यमं स्वम्हम्ह संक्रमितया मृत्युया बुखँ सम्प्रेशण याःगु खः । तर सित धाम्ह गुल्मीया कोरोना संक्रमितया अवस्था गम्भीर जूगु व उपचाररत दूगु रुपन्देहीया मणिग्रामस्थित क्रिमसन अस्पतालं स्पष्ट याःगु दु ।
अस्पतालं मृत्युया खण्डन याःसें आईसीयूया भेन्टिलेटर कक्षय् उपचार जुयाच्वंगु न्ह्यथंगु दु ।
गुल्मीया मदाने गाउँपालिका वडा नम्बर ६ या ४१ दँया मिजँ छवा निसें ज्वरो व छ्यँ स्याना अस्पतालय् भर्ना जूगु खः । वैशाख २ गते प्रादेशिक जनस्वास्थ्य प्रशोगशालाय् नमुना परिक्षण याना जेठ ५ गते कोरोना पुष्टि जूगु खः ।
वयेकःया अवस्थाबारे भ्रामक बुखँ वःगु धाःसें खण्डन याःगु अस्पतालं अज्यागु बुखँया लिउलिउ मजुइत अपिल याःगु दु ।
छ्याता
फेसबुक छ्याता