स्वनिगः सिल जुल, अत्यावश्यक बाहेक प्रवेश निषेध(विज्ञप्ति नापं)


उपत्यका नगरपालिका फोरोमया छ्याता कथं गृह मन्त्रालयं स्वनिगः दुहाँ वैगु नाका बन्द याःगु दु । स्वनिगःया जनघनत्व अप्वःगु कारणं अत्यावश्यक बाहेक स्वनिगलय् प्रवेश निषेध याःगु दु । दुहाँ वैपिंत स्रोतय् हे पनेगु व सुला सुला वैपिंत तकं पुर्णरुपं बन्द याःगु दु ।

गृह मन्त्रालयया शाखा अधिकृत गणेश तामांगं जारी याःगु सुचँ कथं स्थानिय तह नं थःगु लागाय् दूगु होटल, पार्टि प्यालेस, सामुदायिक भवन व मेमेगु थाय् यात क्वारान्टाइन कथं छ्यले फइ ।

अत्यावश्यक ज्या या नितिं स्वनिगलय् दुहाँ वयेमाःसा आरडिटि टेष्ट याना जक वयेमाःगु निर्णय याःगु दु । अथेहे स्थानिय संघसंस्था व क्लबतयेसं मनु मुंका जोखिम अप्वयेका च्वंगुलिं वडा वा स्थानिय तहनाप समन्वय मयाःगु ज्या तत्काल दिकेत उजँ तकं ब्यूगु दु ।


Share on Google Plus

News: Newa News

    छ्याता
    फेसबुक छ्याता