नेपालय् कोरोना भाइरसं याना सीपिनि ल्याः ७ थ्यंगु दु । दैलेख दुल्लु–११ या ३५ दँ दुम्ह मिजँ दुल्लुया विद्युत ज्याकुया क्वारेन्टाइनय् शनिबाः सुथः मदुगु खःसा सनिल रिपोर्ट पोजेटिभ वःगु सामाजिक विकास मन्त्रालयको स्वास्थ्य महाशाखां न्ह्यथंगु दु । वयेकःया स्वाब धाःसा स्वन्हु न्ह्यः काःगु खः ।
कर्णाली स्वास्थ्य विज्ञान प्रतिष्ठान जुम्लाय् पीसीआर विधिं कोरोना पोजिटिभ क्यंगु खः । मदुम्ह ल्याम्ह नापं वःपिं ७९ पासापिं नापं क्वारान्टाइनय् तयातःगु खः ।
थ्व स्वयाँ न्ह्यः मचा बुइकुम्ह मिसा नेपाःया न्हापाम्ह कोरोना संक्रमण मृत्यु जूगु खः । वयेकःया मृत्यु धुंका जक कोरोना पुष्टि जूगु खः । वयाँ कन्हे कुन्हु भारतं वम्ह मिजँ आकाझाकां क्वारान्टाइनय् मदुगु खः । वयेकः नं सीधुंका कोरोना पोजिटिभ धका सी दूगु खः । स्वम्हम्ह कोरोनां सीम्ह धाःसा आइसियुलय् उपचारया झ्वलय् मदुगु खः । वयेकः कोरोना पिडित धका यकिन जुया उपचारया झ्वलय् सीम्ह न्हापाम्ह खः । प्यम्हम्ह कोरानां मदुम्ह मनु दाहसंस्कार याःगु च्यान्हु लिपा जक कोरोना पुष्टि जूम्ह खः । न्याम्हम्ह कोरोना जुया सीम्ह मनु यलय् ४ ता इलय् मदय् धुंका बहनी ८ ता इलय् जक कोरोना पुष्टि जूगु खः ।
भारतय् मदया नेपाः हयाः कोरोना टेष्ट याःगु इलय् पोजिटिभ पुष्टि जुम्ह मनु खुम्हम्ह कोरोनां कया सीम्ह जूगु खः । उकथं हे क्वारान्टाइनय् मदये धुंका शनिबाः न्हेयेम्हम्ह मनु कोरोना पुष्टि जूगु खः ।
थ्व ल्याखँ कोरोना पुष्टि जुया उपचारया झ्वलय् मदुम्ह छम्ह जक दुसा मेपिं फुक्कं सी धुंका जक कोरोना पुष्टि जुपिं खः । थुकियात स्वास्थ्य लागाय् नेपाःया अपुर्णता धायेगु कि मनुतय् अज्ञानता ? स्वास्थ्य सुविधाय् पहुँच मदुगु धायेगु लाकि सरकारया हेलचेक्राइ ? क्वारान्टाइनय् तया नं उपचार याये मफूगु धैगु कोभिड १९ धाथें ग्यानापुगुलिं खःकि उपचार अभावं खः ? सरोकारवाला तयेसं मनन याये हथाय् जुइ धुंकल ।
छ्याता
फेसबुक छ्याता