स्वास्थ्य मन्त्री क्वारान्टाइनं मन्त्रालयय्, ९० म्ह थप संक्रमित, ल्याः ७७२ थ्यन


कोरोना संक्रमितनाप सम्पर्क जूसेंलि स्वास्थ्य तथा जनसंख्यामन्त्री भानुभक्त ढकाल शुक्रबाः निसें होम क्वारेन्टाइनय् च्वनाच्वंगु सीदुगु दु । मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरय् दुम्ह कोरोना पाजिटिभ थःथितियात अस्पतालय् नापलाम्ह वयेकः क्वारान्टाइनय् च्वंगु खः । वयेकः न्यान्हुनिसें मन्त्रालय मवंगु खः । वयेकःया स्वाब मंगलबार सुथः काःगु खः । मन्त्री ढकाल मंगलबाः न्हिनय् हे परिक्षण नतिजा मवयेकं मन्त्रालय थ्यंगु मन्त्रालयं न्ह्यथंगु दु ।

थुखे थौं न्हिछिइ ३,७८२ पिसिआर परिक्षण जूगु दुसा ९० म्ह कोरोना पोजिटिभ पुष्टि जूगु स्वास्थ्य तथा जनसंख्या मन्त्रालयं न्ह्यथंगु दु । थ्व नापं संक्रमितया ल्याः ७७२ थ्यंगु दु ।

कपिलवस्तुइ २६, रौतहटय् २२, बाँके व विरेन्द्रनगरय् ८/८, बारा व सिराहाय् ५/५, अर्घाखाँची, महोत्तरी, गुल्मी धुर्कोटम, बालिङ, भेरी व सिम्टाय् २/२, रुपन्देही अस्पताल, धनुषा, कैलाली व अछामय् छम्ह छम्ह कोरोना संक्रमित पुष्टि जूगु खः । संक्रमितमध्ये छम्ह निदँया मिसामचा, छम्ह मिसा व मेपिं मिजँपिं खः ।
आःतक ४ सितसा १५५ लना लिहाँ वंगु दु ।



Share on Google Plus

News: Newa News

    छ्याता
    फेसबुक छ्याता