हलिमय् ६० लख मनुतयेत कोभिड १९, ४९.७ प्रतिशत जक सक्रिय संक्रमित, ६ प्रतिशतया मृत्यु


हलिमय् कोरोना भाइरसं कया कोभिड १९ जूपिं मनुतयेगु ल्याः ६० लख ४५ द्व ६ स व ५३ थ्यंगु दु । शनिबाः बहनीसिया ८ ता ईतक जम्मा जम्मी थुकिया बछि (४९.७ प्रतिशत) ३० लख मनुत जक सक्रिय कोभिड १९ जुयाच्वंगु दु ।

२६ लख ७१ द्व ४४० मनुत लना कोरोना नेगेटिभ जूगु दुसा ल्यँ दुपिं ३ लख ६७ द्व ११६ मनुतयेगु कोभिडं याना ज्यान वंगु दु ।

सीपिनि ल्या स्वयेगु खःसा संक्रमितया तुलनाय् ६ प्रतिशतया मृत्यु जुयाच्वंगु दु ।

थुखे थौंकन्हे हलिमय् मनुतय् जनसंख्या लगभग ७ अर्ब ७९ करोड थ्यंगु दु । हलिंया मनुतय् तुलना यायेगु खःसा कोरोना संक्रमितया ल्याः ०.०८ प्रतिशत मनुतयेत जक कोरोना संक्रमण जूगु दु । थ्व धैगु यदि हलिमय् १० द्व मनुत दुसा उकि ८ म्हेसिके जक कोरोना भाइरस दइ ।

Share on Google Plus

News: Newa News

    छ्याता
    फेसबुक छ्याता