आःतक कोरोना जूपिं ६.८ प्रतिशतया मृत्यु, अमेरिकाय् ८० द्व सित


कोरोना संक्रमण जुइगु ल्वय् कोभिड १९ जूपिं मनुतय् ल्याः ४१ लख पूगु दु । संक्रमित मध्ये ६.८ प्रतिशतया मृत्यु जूगु दु । कोरोना जूपिं मध्ये २ निसें ३ प्रतिशतया जक मृत्यु जुइगु प्रारम्भिक अनुमान गलत सावित याःसें थुकथं ६.८ प्रतिशत मनुत कोरोना जुया सीधुंकुगु दु ।

आइतबाः तक ४१ लख २६ द्व ६३९ मनुतय्त कोरोना संक्रमण खनेदूगु खःसा थुकि मध्ये २,८०,९७४ मनुतय् मृत्यु जूगु दु । मृत्युदर दकलय् अप्व यूरोपय् खनेदु । युरोपय् ९.३ प्रतिशतया मृत्युदर दुसा बेल्जियम, फ्रान्स व बेलायतय् दकलय् अप्व १६, १४.८ व १४.६ प्रतिशत मृत्युदर दु ।

थ्व दथुइ अमेरिकाय् सीपिनि ल्याः च्याद्व थ्यंगु दु । अमेरिकाय् १३ लख ४७ द्व व ४११ मनुतयेत कोरोना संक्रमण जूगु दु ।थ्व धैगु ५‍.९ प्रतिशत मृत्युदर खः ।

Share on Google Plus

News: Anonymous

    छ्याता
    फेसबुक छ्याता