तराईलय् कोरोनाया बाः, थौं हे सर्लाही, कपिलवस्तु, चितवन व नवलपरासीइ ३० म्हेसिके पुष्टि, ४८७ म्ह संक्रमित


भारतं वःपिं व क्वारान्टाइनय् च्वंपिं धमाधम कोरोना पोजिटिभ पुष्टि जुयाच्वंगु दु । थौं शुक्रबाः सर्लाही जिल्लाय् १५, कपिलवस्तुइ ९, चितवनय् २, नवलपरासीइ ३, नवलपरासी पूर्वय् १ याना मुक्कं ३० म्ह कोरोना पुष्टि जूगु स्वास्थ्य तथा जनसंख्या मन्त्रालयं न्ह्यथंगु दु । थ्व नापं नेपालय् कोरोना संक्रमितया ल्याः ४८७ थ्यंगु दु ।

सर्लाहीया गौडेता नगरपालिका व रामनगर बहुअर्वा नगरपालिकाय् २२, २२, २४, २५, २५, २७, ३२, ३४, ३४, ३५, ३८, ३८, ३८ र ३९ वर्षया मिजँ व १८ दँया मिसाय् कोरोना पुष्टि जूगु खः ।

कपिलवस्तुया वाणगंगा नगरपालिका व मायादेवी गाउँपालिकाय् २४, २५, २७, २९, ३४, ३६, ४५, ५३ दँया मिजँ व ८ दँया मिसा मचायाके कोरोना संक्रमण जूगु खः ।

नवलपरासीया सुस्ता गाउँपालिका ५ व रामग्राम नगरपालिकाया ३३ व ३५ दँया मिजँ व १५ दँया मिसायाके कोरोना संक्रमण खनेदूगु खः ।

चितवनया भरतपुर महानगरपालिका–६ या ७४ दँया मिजँ, ७३ दँया मिसाय् कोरोना संक्रमण खनेदत । अथेहे नवलपरासी पूर्वया विनय त्रिवेणी गाउँपालिका– ६ या ४५ दँया मिजँयाके कोरोना संक्रमण खनेदूगु मन्त्रालयं न्ह्यथंगु दु ।


Share on Google Plus

News: Anonymous

    छ्याता
    फेसबुक छ्याता