मंगलबाः न्हिछि दुने ३२ म्ह संक्रमित, कोरोना जूपिं ४०७ थ्यन


कोरोना भाइरस (कोभिड १९)या संक्रमण ३२ म्हेसिके पुष्टि जूगु दु ।

स्वास्थ्य तथा जनसंख्या मन्त्रालयया कथं येँय् स्वम्ह व ख्वप व यलय् छम्ह छम्ह याके संक्रमण पुष्टि जूगु दु ।
अथेहे झापाय् ९, धनकुटाय् ५, कपिलवुस्तइ ४, सर्लाहीइ २, मकवानपुर, रामेछाप, सिन्धुली, मोरङ, सुनसरी, लमजुङ व नवलपरासीमा छम्ह छम्हेसिके संक्रमण पुष्टि जूगु दु ।

कोरोना संक्रमित पिं १७ निसें ४२ दँयापिं खः ।

थ्व नापं मुक्कं संक्रमितया ल्याः ४०७ थ्यंगु दु । मन्त्रालयया कथं संक्रमण ३६ जिल्लाय् थ्यंगु दु । थुकिइ ३७ म्ह लना छेँ लिहाँ वंगु दुसा निम्हेसिया मृत्यु जूगु दु ।

प्रदेशगत कथं दकलय् अप्व संक्रमित प्रदेश ५ य् दु । प्रदेश १ य् ५४, २ लय् १३६, वागमतीइ २७ व गण्डकी प्रदेशय् प्यम्ह दुसा प्रदेश ५ य् १७६, कर्णालीइ छम्ह व सुदूरपश्चिम प्रदेशय् न्याम्ह दु ।

Share on Google Plus

News: Newa News

    छ्याता
    फेसबुक छ्याता