विराटनगरं निम्ह लन, ३३म्ह लना छेँ लिहाँवन


विराटनगरया कोसी अस्पतालं निम्ह कोरोना संक्रमित डिस्चार्ज जूगु दु । थ्व नापं नेपालय् कोभिड लँपिं ३३म्ह थ्यंगु दु । भोजपुरया २७ दँया मिजँ १० वैशाख व झापा बाह्रदशीया ६३ दँया ज्याथा १२ वैशाखय् कोरोना जुया भर्ना जूगु खः ।

कोरोना रिपोर्ट नेगेटिभ वयेधुंका इम्त डिस्चार्ज याःगु कोसी अस्पताल कोभिड १९ उपचार केन्द्रया प्रमुख डाक्टर दीपक सिग्देलं न्ह्यथनादिल ।

आइतबाः निम्ह डिस्चार्ज जुइ नापं कोसी अस्पताल कोभिड १९ उपचार केन्द्रं डिस्चार्ज जूपिनि ल्याः १६ थ्यंगु दु । उदयपुरय् संक्रमण खनेदूपिं प्यम्ह मिस्तयेत धाःसा थूगु अस्पतालय् भर्ना याःगु दु । प्रदेश १ य् संक्रमितया ल्याः ३५ दु । गुकि १६ म्ह डिस्चार्ज जुइधुंकलसा १९ म्ह उपचाररत दु ।

Share on Google Plus

News: Newa News

    छ्याता
    फेसबुक छ्याता