बुधबाः सनिल २४ म्ह न्हूपिं संक्रमित थप जूगु दुसा इपिं रुपन्देहीया १२म्ह, कपिलवस्तुया ८म्ह, पर्साया ३म्ह व नवलपरासीया छम्ह जूगु स्वास्थ्य तथा जनसंख्या मन्त्रालयं पुष्टि याःगु दु । थ्व नापं कोरोना संक्रमितया ल्याः २४३ थ्यंगु दु ।
रुपन्देहीइ २२, २२, २५, २८, ३०, ३२, ३२, ३३, व ४१ दँया मिजँ अथेहे ४, १० व २८ दँया मिसायाके संक्रमण खनेदूगु खः । कपिलवस्तुइ धाःसा २२, २९, ३२, ४०, ४०, ४०, ४२ व ४२ दँया मिजँयाके कोरोना संक्रमण खनेदत ।
पर्साय् ३६ व ७४ दँया मिजँ व ३६ दँया मिसायाके संक्रमण खनेदतसा नवलपरासीइ ३६ दँया मिसायाके संक्रमण पुष्टि जूगु दु । न्हिनय् २ म्हेसिके कोरोना संक्रमण पुष्टि जूगु दु । थ्व नापं थौं हे २६ म्ह संक्रमित पुष्टि जूगु दु ।
छ्याता
फेसबुक छ्याता