सांसद यादवं थःत अपहरण याःगु धाःसें नेकपा सांसदपिं विरुद्ध उजुरी


सांसद डा. सुरेन्द्र यादवया अपहरण याःगु जनता समाजवादीया नेतातयेसं महानगरीय प्रहरी परिसर टेकुइ उजुरी तयेत थ्यंगु दु ।

नेकपा सांसदपिं महेश बस्नेत व किसान श्रेष्ठ नापं पूर्व आईजीपी सर्वेन्द्र खनालविरुद्ध किटानी जाहेरी ब्यूगु पार्टीया प्रचार विभाग उपप्रमुख विश्वदीप पाण्डें न्ह्यथनादिल ।

उजुरी बीत पार्टीया नेतापिं बाबुराम भट्टराई, उपेन्द्र यादव, राजेन्द्र महतो, हिसिला यमि व सांसद सुरेन्द्र यादव परिसर थ्यंगु खः । नकतिनि हे एकीकरण जूगु राजपा व समाजवादीया नेतापिं टेकुया नेपाल उद्योग वाणिज्य महासंघ परिसरय् आन्तरिक सहलह लिपा परिसर थ्यंगु खः ।

वैशाख १० गते बहनी महोत्तरीया छेँ नं सांसद यादवयात पूर्व आईजीपी खनाल व सांसदपिं बस्नेत व श्रेष्ठं जबर्जस्ती येँ हःगु द्वपं समाजवादी पार्टीं बियावयाच्वंगु दु ।

Share on Google Plus

News: Newa News

    छ्याता
    फेसबुक छ्याता