ख्वप दुहाँ वनेत सवारीसाधनय् वासः अनिवार्य (भिडियाे नापं)


प्रज्वल शाक्य

ख्वपय् सवारीसाधनय् वासः (डिस्इन्फेक्टान्त) मछ्यःसे दुहाँ वने मदूगु याःगु दु । स्वन्हु निसें ख्वपया रेस क्रस सोसाइटिया पहलय् थुकथं सोडियम हाइड्रोक्लोराइड वासः कथं हरेक गाडि वा बाइकय् छ्वाकेगु यानाच्वंगु दु । रेडक्रसया भोलिन्टियर कृष्ण गारुया कथं ख्वप दुहाँ वइगु नाका जडिबुटि व सांगाय् थुकथं वासः छ्वाकेगु ज्या जुयाच्वंगु दु । कोरोना संक्रमणया इलय् मेमेगु ब्याक्टेरियाया तकं जोखिम दूगुलिं थकथं सवारी साधनय् प्यपुनिगु किताणु नष्ट यायेत वासः छ्वाकेगु ज्या जुयाच्वंगु दु ।

छगु लिटर सोडियम हाइड्रोक्लोराइडय् १४ लिटर लः ल्वाकछ्याना थूकियात हे पम्पं सवारीसाधनय् छ्वाकेगु ज्या जुयाच्वंगु दु । सुथः ९ ता निसें सनिलया ४ ता ई तक थुकथं वासः छ्वाकाच्वनागु गारुं न्ह्यथनादिल । कोरोनाया विश्वव्यापि त्रासं यानां थुकथं अनिवार्य वासः छ्वाका भाइरस व मेमेगु व्याक्टेरिया नष्ट याइगु वयेकलं न्ह्यथनादिल ।

क्यामेरा ः विगेन तुलाधर


Share on Google Plus

News: Anonymous

    छ्याता
    फेसबुक छ्याता