थःगु बाध्यता दूगु धाःसें एसएसपीं सांसद अपहरणया जाहेरी मकाल


येँ महानगरीय प्रहरी परिसरया प्रमुख एसएसपी श्याम ज्ञवालीं जनता समाजवादी पार्टिया सांसद सुरेन्द्र यादवं थः त अपहरण याःगु सम्बन्धय् तःगु उजुरी कायेत अस्विकार याःगु दु । थःगु नं बाध्यता दूगु व गन वने माःगु खः वनेत एसएसपी ज्ञवाली न्ह्यथंगु नेतातयेसं न्ह्यथंगु दु । थःगु तहं जाहेरी काय् मफइगु धाःसें वयेक लिचिउगु खः ।

सांसद सुरेन्द्र यादव नापं पूर्वप्रधानमन्त्री बाबुराम भट्टराई, उपेन्द्र यादव, राजेन्द्र महतो, राजेन्द्र श्रेष्ठ व जनता समाजवादी पार्टिया नेतातयेसंं पुर्व आइजिपि सर्बेन्द्र खनाल, नेकपा सांसदपिं महेश बस्नेत व किसान श्रेष्ठबिरुद्ध अपहरणया जाहेरी ब्यूगु खः ।

आइतबार न्हिनय् एसएसपी ज्ञवालीं जाहेरी मकासेंलि पूर्वप्रधानमन्त्री भट्टराई नं कार्यकारी प्रमुख तकं दुथ्याःगु थूगु विषयलय् सरकारं थः हे छानबिन याना सत्यतथ्य सीकेमाःगुलिइ जाहेरी तकं मकाःगु धाःसें राज्यं हे आतंक ब्वलंकेत स्वःगु द्वपं बियादिल ।

सांसद यादवयात वंगु बिहीबाः नेकपाया सांसदपिं महेश बस्नेत, किसान श्रेष्ठ व पूर्वआइजिपी सर्वेन्द्र खनालं महोत्तरीं अपहरण याना येँ हःगु यादवया दल समाजवादीनापंया मेगु दलया नेतातयेसं द्वपं बियावयाच्वंगु दु । बालुवाटारया तप्यंक संलग्नताय् यादवया अपहरण जूगु द्वपं दु ।

Share on Google Plus

News: Newa News

    छ्याता
    फेसबुक छ्याता