मुँज्या लिज्यात, लकडाउनया निर्णय ५ ता इलय् जुइगु


लकडाउनया निर्णय यायेत २ ता ईया नितिं सःता तःगु मन्त्रिपरिषद मुँज्या ५ ता ईया नितिं लिज्याःगु दु ।
प्रधानमन्त्री केपी शर्मा ओलीया व्यस्ततां याना मुँज्या लिज्याःगु न्ह्यथंगु दु ।

मन्त्रिपरिषद मुँज्या च्वने न्ह्यः प्रधानमन्त्री ओलीं कोभिड १९ क्राइसिस म्यानेजमेन्ट टिम (सिससएमसी) नाप सहलह ब्याकेत्यंगु दु ।

शनिबाः च्वंगु उच्चस्तरीय समन्वय समितिया मुँज्यां लकडाउनयात न्हेन्हु तनेत छ्याता ब्यूगु खः । थ्व न्ह्यः सरकारं घोषणा याःगु लकडाउन वैशाख १५ गते क्वचायेत्यंगु दु ।

कोरोना भाइरस संक्रमणया जोखिम मदूगु थासय् उच्च सतर्कता नापं विकास निर्माणया ज्या यात न्ह्यःने यंकेत समितिले छ्याता ब्यूगु दु । स्वनिगलय् खनेदूपिं प्यम्हं कोरोना संक्रमित लनेधुंकुगु इलय् स्वनिगःयात संक्रमण मुक्त कथं कयातःगु दु ।

Share on Google Plus

News: Newa News

    छ्याता
    फेसबुक छ्याता