डाक्टर दाःम्ह डीएसपीयात जिम्मेवारी‌ं चीकल, कारवाही याइगु


महानगरीय प्रहरी वृत्त, महाराजगञ्जया डीएसपी उमेशराज लम्सालयात जिम्मेवारीं चीकूगु दु ।
लकडाउन उल्लङ्घन याःगु धाःसें प्रहरीं चिकित्सकयात दाःगु घटना सार्वजनिक जुइधुंका लम्सालयात रानीपोखरीया महानगरीय प्रहरी आयुक्तया ज्याकुथिइ साःगु दु ।

रानीपोखरीया डीआईजी विश्वराज पोखरेलं लम्सालयात छानबिनया नितिं रानीपोखरी सालागु न्ह्यथनादिल ।
बुधबाः सनिल जूगु घटनाबारे छानबिनया नितिं बिहीबाः सुथः एसएसपी किरण बज्राचार्यया नेतृत्वय् एसपी मुकेश सिंह व डीएसपी होविन्द्र बोगटी दुजः दूगु समिति गठन जूगु दु ।

समितिया प्रतिवेदनया आधारय् चिकित्सक दाःपिं प्रहरीपिंत कारबाही जुइगु धाःगु दु । समितिं अनुसन्धान यायेन्ह्यः हे लम्सालयात जिम्मेवारीं चीकूगु दु ।


Share on Google Plus

News: Anonymous

    छ्याता
    फेसबुक छ्याता