थौंया दक्व आरडिटि पोजिटिभ रिपोर्टय् कोरोना नेगेटिभ


स्वास्थ्य मन्त्रालयया दैनिक मिडिया ब्रिफिंगय् थौं न्हिछि दुने खनेदूगु दक्व आरडिटि पोजिटिभ केसत हाकनं परिक्षण याना स्वःगु इलय् नेगेटिभ वःगु दु । याकनं याइगु परिक्षणयात आरडिटि परिक्षण धाइसा संकास्पद वा पोजिटिभ केसयात हाकनं पिसिआर विधिं परिक्षण याइ । थौं न्हिछि दुने ३६९ पिसिआर परिक्षण याःगु खःसा फुक्क हे नेगेटिभ नतिजा पिहाँवःगु खः । थौं न्हिछि दुने ३२०० आरडिटि परिक्षण याःगु दु । थौं हे विरगंजया छपकैयाय् ४०० म्हसित आरडिटि परिक्षण याःगु खःसा दक्व नेगेटिभ खनेदूगु खः । थन छुं दिं न्ह्यः स्वम्ह भारतीय कोरोना पोजिटिभ खनेदूगु खः । आरडिटि नेगेटिभ जूसां ढुक्क धाःसा जुइमज्यूगु स्वास्थ्य मन्त्रालयं न्ह्यथंगु दु । नेपाःन्यंकं ८ गु जिल्ला बाहेक फुक्क थासय् आरडिटि विधिं परिक्षण न्ह्याके धुंकुगु दु ।

बिहिबाःतक १०३ म्ह आइसोलेशनय् च्वनाच्वंगु दु गुकि च्याम्ह स्वनिगलय् च्वनाच्वंगु दुसा ल्यं दुपिं स्वनिगः पिने । अथेहे थीथी माध्यमं स्वविश्लेषण याःपिनि ल्याः झिंच्याद्व थ्यंगु दु ।

उपत्यकाया १६ गु निजि अस्पतालय् तकं कोरोना क्लिनिक निर्माण यायेगु निर्णय जूगु दु । अथेहे स्थानिय सरकारनाप समन्वय याना उगु स्थानिय सरकारया मातहतय् दूगु अस्पतालया लिखत कायम यायेगु नापं चिकित्सकया ल्याः निर्धारण यायेगु न्ह्यथंगु दु । अथेहे स्थानिय तहलय् विदेशं वःपिंत क्वारान्टाइनय् च्वंगु मच्वंगु निगरानी यायेत तकं स्थानिय सरकारयात इनाप याःगु दु ।


Share on Google Plus

News: Newa News

    छ्याता
    फेसबुक छ्याता