चैत महिनाय् दुने विदेशं वःपिं फुक्कसित कोरोना टेष्ट यायेगु तातुना कथं येँ महानगरपालिकां आरडिटि टेष्ट न्ह्याकुगु दु । थ्व झ्वलय् थौं च्यागु वडाय् च्वनाच्वंपिंत टेष्ट यायेत्यंगु दु । बसन्तपुर दबलिइ थ्व टेष्ट जुइत्यंगु खःसा थौं शनिबाः वडा नं १८, १९, २०, २१, २२, २३, २४ व २७ य् च्वनाच्वंपिंत टेष्ट यायेत्यंगु खः । वडाया दुजःपिं पाखे समन्वय याना थूगु टेष्ट जुयाच्वंगु शहरी जनस्वास्थ्य विभाग प्रमुख नरेन्द्र विलास बज्राचार्यं नेवाःन्यूजयात जानकारी बियादिल । कथहं यानाच्वंगु थूगु टेष्ट सुथः ११ ता इलं निसें न्ह्याइगु व टेष्ट याःवःपिं दतले यायेगु वयेकलं न्ह्यथनादिल । वडां थःथःगु रेकर्ड तयाच्वंगु व उगु रेकर्ड कथं हे परिक्षण न्ह्यानाच्वंगु वयेकलं न्ह्यथनादिल ।
५,४, ९, १०, १५, ३१ व ३२ नं वडाय् टेष्ट यायेधुंकुगु दु । ४०३ म्ह मुनयात याःगु टेष्टय् फुक्क हे नेगेटिभ वःगु खः ।
छ्याता
फेसबुक छ्याता