बुंगद्यःया जात्रा आःयात स्थगित, लकडाउन धुंका जुइगु


नेपाःया दकलय् ताःहाकःगु रथजात्रा बुंगद्यःया जात्रा स्थगित जूगु दु । कोरोनाया हलिंन्यंकंया प्रकोप व नेपाःया लकडाउनया कारणं जात्रा स्थगित जूगु गुठी संस्थान व ज्यापु समाज यलं मंका वक्तव्यय् न्ह्यथंगु दु ।

बिहीबाः विधिपूर्वक बुंगद्यःया न्हवं जूगु खः । थौं शुक्रबाः निसें रथ देकेज्या जुइमाःगुलि स्थगित याःगु खः ।
रथ देकेज्या लकडाउन क्वचाये नापं क्षमा पूजा याना न्ह्याकेगु निर्णय जूगु दु ।

लिच्छवीकालनिसें मदिक्क न्ह्यानाच्वंगु बुंगद्यःया रथजात्रा बैशाख कृष्ण पक्षया प्रतिपदानिसें न्ह्यानाच्वंगु खः ।



Share on Google Plus

News: Newa News

    छ्याता
    फेसबुक छ्याता