सरकारं नेपालय् मेम्ह छम्ह कोरोना सक्रमित लुइकुगु दु । कोभिड–१९ संक्रमित जूम्ह बागलुङया ६५ दँ दुम्ह ज्याथि खः । स्वास्थ्य तथा जनसंख्या मन्त्रालयया प्रवक्ता डा. विकास देवकोटां बिहीबाः थुकिया पुष्टि यानादिल । चैत ४ गते बेल्जियमं कतारया दोहा जुया कतार एयरवेजया विमान क्युआर ६५२ पाखें नेपाः वःम्ह थ्व न्ह्यः संक्रमित जुम्ह १९ दँ दुम्ह मिसाया थःथिति वयेक उगु हे विमानं नेपाः लिहाँ वःम्ह खः ।
वयेकःपिं निम्हं यती एयरलाइन्सया विमानं पोखरा व अनंलि जिपय् बाग्लुङ थ्यंगु खः । थुम्ह ज्याथियाके नं कोरोनाया छुं लक्षण खने मदुगु न्ह्यथंगु दु ।
येँया १९ दँ या मिसा, बागलुङया १९ दँया मिसा व बागलुङया हे ६५ दँया ज्याथि नापं उगु हे विमानं वःपिं स्वम्हेसित संक्रमण दनेदयेधुंकल । जहाजय् यात्रा याःपिं फुक्क १५८ म्ह नेपाःमिया मालेज्या न्ह्याकागु अधिकारीतयेसं न्ह्यथंगु दु ।
छ्याता
फेसबुक छ्याता