कोरोना भाइरसया प्रकोपयात ध्यानय् तयाः सरकारं भ्रमण वर्ष २०२० स्थगित यायेत्यंगु दु । आइतबार सनिल बालुवाटारय् च्वंगु मन्त्रिपरिषद् बैठकं भ्रमण वर्ष २०२० यात स्थगित यायेगु निर्णय याःगु खः ।
मूज्याय् ब्वतिकामि छम्ह मन्त्रीया कथं प्रधानमन्त्री केपी शर्मा ओलीं भ्रमण वर्ष स्थगित याना सन् २०२२ यात भ्रमण वर्ष घोषणा यायेत प्रस्ताव तयादीगु खः ।
अथेहे आइतबाः हे संस्कृति, पर्यटन नापं नागरिक उडड्यन मन्त्रालयं नेपाल पर्यटन बोर्ड व नेपाल भ्रमण वर्ष २०२० या सचिवालयपाखें सन् २०२० या मार्चय् दे व देसं पिने जुइगु प्रचारप्रसारया ज्याझ्वः आःयात स्थगन यायेगु निर्णय याःगु खः ।
पर्यटनमन्त्री योगेश भट्टराईया अध्यक्षताय् कोरोना भाइरसया विश्वव्यापी प्रभाव व मन्त्रालय व अन्तर्गतया निकायपाखें यायेमाःगु रोकथाम नापं पूर्वतयारीया ज्या सम्बन्धय् च्वंगु मूज्यां उगु निर्णय याःगु खः ।
छ्याता
फेसबुक छ्याता