काेभिड १९या संक्रमण पनेत याःगु लकडाउनयात थाैं निसें येँया जनसेवा प्रहरी प्रभागं कडाइ याःगु दु । आः भित्री शहरय् नं कडाइ याःगु जनसेवा प्रभागया डिएसपी सुनिल जंग शाहं न्ह्यथनादीगु दु ।
कोभिड–१९या ल्वगि अप्वःसेंलि अतिकं माःगु ज्या बाहेक पिहाँ मवयेत सरकारं ब्यूगु उजं मन्यंगुलिं थौं आइतबाः सुथः हे खुसः स्वयां अप्वःसित स्वनिगःया थीथी थासं प्रहरीं ज्वना सचेतना कक्षा ब्यूगु दु । ज्वना तःसा अझ अप्व ग्यानापुइगु जुगुलिं शनिबाः निसें प्रहरीं थुकथं पिहाँवःपिंत ज्वना गन खः अन हे छुं घौ पनाः सचेतना कक्षा बिया गनं वःगु खः अन हे लित छ्वःगु दु ।
थौं सुथः ७ः३० दुने जक ५१२ मिजं व १०५ मिसायात सडकय् तया महानगरीय प्रहरीं सामाजिक दूरी कायम याना स्वघौ तक तयाः ल्वय्या बारे जानकारी ब्यूगु खः । उकथं हे १०३ गु सवारी साधन होल्ड यानागु प्रहरीं न्ह्यथंगु दु । स्वनिगःया स्वंगुलिं जिल्लाय् थ्व नियम लागू याःगु दु ।
कोभिड–१९ हलिंन्यंकं न्यनाच्वंगु इलय् सरकारं चैत ११ निसें चैत १८ तक लकडाउनया निर्णय याःगु खःसा थौं खुन्हु दत । संक्रमण सुयाके दु सुयाके मदु धैगु हे मस्यूगुलिं सकलसित थःथःगु छेँ हे च्वनेत महानगर प्रमुख विद्यासुन्दर शाक्यं इनाप तकं यानादीगु खः ।
फाेटाे/भिडियाे : विगेन तुलाधर
छ्याता
फेसबुक छ्याता