स्पेनय् सीपिनि ल्या प्यद्व पुल, अमेरिकाय् द्वःछि पुल


इटालीधुंका युरोपया दकलय् अप्व कोरोना प्रभावित दे स्पेनय् आः तक ४ द्व व ८९ म्ह मनु सीगु दु । लिपांगु २४ घौ दुने ६६५ मनु मदुगु खःसा थ्व ल्याः बुधबाःया स्वयां छुं म्हो खः । बुधबाः सीपिनि ल्या दकलय् अप्व ७३८ जूगु खः । स्पेनय् बिहिबाः हे ६ द्व ६ स व ७३ म्ह न्हूपिं संक्रमित खनेदूगु खः ।
स्पेनय् आः तक संक्रमितया ल्याः ५६ द्व सछि व ८८ म्ह थ्यंगु दु ।

उखे अमेरिकाय् बिहीबाःतक द्वःछि व ३७ म्ह सीगु दु । अमेरिकाय् आःतक ६८ द्व न्यासः व ९४म्ह संक्रमित जूगु दु । बुधबाः हे जक १३,३५५ कोरोनाया न्हूपिं ल्वगि खनेदूगु खः ।

Share on Google Plus

News: Newa News

    छ्याता
    फेसबुक छ्याता