थौं निसें इमेज च्यानलया बहनीया नेपालभाषा बुखँ बन्द, सुथः १० बजेया यथावत


इमेज च्यानलं नेपालभाषाया बहनीसिया बुखँ बन्द याःगु दु । थ्व न्ह्यः इमेज एफएम पाखे नेपालभाषाया ज्याझ्वः बन्द याःगु खःसा आः टिभिइ नं बहनीसिया बुखँ बन्द याःगु दु । सुथः १० ता ई या नेपालभाषाया बुखँ धाःसा यथावत हे तयातःगु खः । नेपालभाषाया ज्याझ्वलय् विज्ञापन म्हो जूगुलिं थुकथं इमेज च्यानलं एफएम व टिभिं नेपालभाषाया ज्याझ्वःत बन्द याःगु खः ।

थुकिया विरोधय् नेवाः पत्रकार राष्ट्रिय दबू पाखे प्रेस विज्ञप्ति तकं पिकाःगु दु । बहनी १०ः१५ बजे प्रशारण जुइगु नेपालभाषाया समाचार चैत १ गते निसें बन्द यायेगु निर्णययात गम्भीर ध्यानाकर्षण जुगु खँ तकं न्ह्यथंगु दु ।
इमेज च्यानलया अध्यक्ष आर के मानन्धर जुयादी । सामाजिक सञ्जालय् थ्व निर्णयया विरोध जुयाच्वंगु दु ।

Share on Google Plus

News: Newa News

    छ्याता
    फेसबुक छ्याता