भारतीय सीमा नाका थःगु थासं बन्द यायेमाःगु माग कोरोना भाइरस रोकथामसम्बन्धी उच्चस्तरीय समितिइ ल्ह्वंगु दु ।
नेपालं सीमा नाका बन्द यायेत भारतनाप प्रस्ताव यायेधुंकुगु दु । तर भारतं धाःसा थुकिया लिसः मब्यूनि । सीमा नाकां भारत वंपिं नेपामि नापं भारतीय नागरिक तक वयेगु झ्वः ह्वात्त अप्वःगु दु ।
शनिबाः सनिल च्वंगु बैठकय् नेपाल सरकारया मन्त्रीपिंसं सीमा नाका बन्द मयाना जोखिम अप्वःगु न्ह्यथंगु दु । मन्त्रीतयेसं प्रधानमन्त्री केपी शर्मा ओलीं भारतीय समकक्षी नरेन्द्र मोदीनाव तप्यंक खँ ब्याकेमाःगु न्ह्यथंगु दु । भारत सकारात्मक मजूसा नेपालं थः पाखें नाकाबन्दी यायेमाःगुलि वयेकःपिंसं दबाब ब्यूगु दु ।
सरकारं नेपाः वैगु फुक्क अन्तराष्ट्रिय उडान थौंनिसें प्रतिबन्ध याःगु दु ।
लुमंके बहःजू अमेरिका व क्यानाडाया नाका कोरोनाया कारणं बन्द यायेधुंकुगु दु ।
छ्याता
फेसबुक छ्याता