गुठि सम्बन्धी छ्याता कायेत सांसद जीवनराम श्रेष्ठ संयोजक


प्रतिनिधिसभाया सांसद जीवनराम श्रेष्ठया कजिसुइ गुठी सम्बन्धी छ्याता कायेत भूमि व्यवस्था, सहकारी व गरिबी निवारण मन्त्रालयं छगु समिति देकूगु दु । चैत ५ गतेया मन्त्रीस्तरीय निर्णय कथं प्रतिनिधिसभाया सांसद जीवनराम श्रेष्ठया संयोजकत्वय् समिति गठन जूगु खः ।

समितिं स्वनिगः दुनेया गुठीया धार्मिक, सांस्कृतिक विविधता, परम्परा व गुठी किसान म्हेया विषयलय् छु यायेगु धैगु विषयया सन्दर्भय् सरोकारवाला, गुठीयार व जनप्रतिनिधिनाप माःगु सहलह, परामर्श याना प्रस्तावित गुठी विधेयकय् छ्याता बीत मन्त्रालयपाखें समिति गठन याःगु खः । समितिं गुठीया गुठीयार, सरोकारवाला, समाजसेवी, नागरिक समाज, संघर्ष समितिया पदाधिकारीपिं, जनप्रतिनिधिपिनिगु ब्वतिइ अध्ययन, अन्तरक्रिया, सहलह व मूज्या च्वना गुठीया विशिष्टकृत अवस्थाया वस्तुस्थितीया चित्रण याना छ्याता बी ।

समितिया न्हापांगु मूज्याया लछि लिपा समितिं मन्त्रालययात छ्याता न्ह्यब्वयेत्यंगु दु । उगु आधारय् गुठी नापंया भूमि विधेयक मन्त्रालयं तयार याइ । राष्ट्रियसभाय् सरकारं गुठी विधेयक लित कायेधुंका गुठीनापं एकीकृत भूमि सम्बन्धी विधेयक हयेत मन्त्रालयं तयारी याःगु दु । उगु सन्दर्भय् गुठीयार, सरोकारवाला, समाजसेवी, नागरिक समाज, संघर्ष समितिया पदाधिकारीपिं, जनप्रतिनिधिपिं नाप मन्त्रालयं थ्व न्ह्यः इलय् ब्यलय् सहलह यायेधुंकुगु दु ।

गुथि विधेयकया विरुद्ध माइतिघर मण्डलाय् मानव सागर कुहाँवयेधुंका विधेयक स्थगित जूगु खःसा गुथि व्यवस्थापन यायेत थुकथं छ्याता कायेत थूगु समिति दयेकुगु खः ।

Share on Google Plus

News: Anonymous

    छ्याता
    फेसबुक छ्याता