कोरोनाया कारणं न्हापांगु खुसि नेपामि मन्त


कोरोना भाइरस (कोभिड १९)या संक्रमणं न्हापांगु खुसि छम्ह नेपामि मन्त । ६६ दँ दुम्ह पूर्व गोर्खा सैनिक लीलाबहादुर राईया वेलायतय् मृत्यु जूगु पुष्टि जूगु दु । संखुवासभा छेँ जुया सपरिवार लण्डनं २१ किलोमिटर उत्तर पश्चिमय् च्वंगु ह्यारो सहरय् च्वनाच्वंगु खः ।

वयेक वंगु चैत ४ य् लण्डनया नर्थविक पार्क हस्पिटलय् मदुगु खःसा सीगुया कारण कोभिड १९ जूगु जानकारी वंगु शुक्रबार जक ब्यूगु खः ।

लिलाबहादुर ब्रिटिस गोर्खा सैनिक सेवां निवृत जुइधुंका सन् २००८ य् वेलायतय् वंगु खः । चिनिल्वय् व उच्च रक्तचापं पीडित वयेकःया निदँ न्ह्यः जलसेंया प्रत्यारोपण याःगु खः ।

आः लिलाबहादुर राईया कला नापं छेँ जः सकलसित आइसोलेशनय् तयातःगु दु ।

Share on Google Plus

News: Anonymous

    छ्याता
    फेसबुक छ्याता