अमेरिकी राष्ट्रपति सुरक्षित, ब्राजिलया राष्ट्रपति व स्पेनया प्रम पत्नीयात कोरोना संक्रमण


अमेरिकी राष्ट्रपति डोनाल्ड ट्रम्पय् कोरोना भाइरसया संक्रमण खनेमदु । छुं ई न्ह्यः ट्रम्पं नापलाःपिंके कोरोना भाइरस खनेदूगुलिं शुक्रबाः थःत नं कोरोना भाइरस जूगु मजूगु सीकेत परीक्षण याःगु खः ।

संक्रमित व सीपिनि ल्याः अप्वःसेंलि ट्रम्प प्रशासनं बेलायत व आयरल्याण्डं अमेरिका वैगु व्यवसायिक उडान तकं बन्द याःगु दु । ट्रम्प प्रशासनं आन्तरिक यात्राय् तकं प्रतिबन्ध यायेत्यंगु दु । थ्व दथुइ अमेरिकाय् निद्व ९ स ९९ म्हसित कोरोना भाइरस दनेदतसा ४९ म्ह स्यूगु दु ।

उखे छुं दिं न्ह्यः ट्रम्प नापलाम्ह ब्राजिलया राष्ट्रपति जइर बोल्सोनारोय् धाःसा कोरोनाया पुष्टि जूगु दु । वयेकःया वंगु विहिबाः परिक्षण जूगु खः । बोल्सोनारोयात कोरोना भाइरस जूगु पुष्टि याये छुं ई न्ह्यः वयेकःया प्रेस सल्लाहकारय् तकं संक्रमणया पुष्टि जूगु खः ।

उखे स्पेनी प्रधानमन्त्री पेद्रो सान्चेजया तिरिमयेजु बेगोना गोमेजयात तकं कोरोना भाइरसं ज्वंगु दु । स्पेनय् आःतक १९३ म्हेसिया कोरोनां मृत्यु जूगु दुसा खुद्व २ स ५० म्हसित संक्रमण जूगु दु । स्पेनं बिहीबाः देन्यंकं ब्वनेकुथि बन्द याःगु दु । अथेहे सोमबारनिसें आन्तरिक एयरलाइन्स, रेल व डुङ्गा संचालकतयेत थःगु सेवा बछि कटौती यायेत धाःगु दु ।

Share on Google Plus

News: Anonymous

    छ्याता
    फेसबुक छ्याता