कोरोना महामारीया संक्रमण ७ लख पुल, ५ प्रतिशतया मृत्यु, २ निसें ३ लख अमेरिकनया मृत्यु जुइगु अनुमान


आइतबाःया चान्हय् तकया ल्याः स्वयेगु खःसा कोभिड १९या संक्रमणं कःपिनि ल्याः ७०७,६८४ थ्यंगु दुसा मुक्कं ३३,५२४ मनुतय् ज्यान वंगु दु । सीपिनि प्रतिशत ४.७ थ्यंगु दु । आःतक १५०,७३२ म्हेसिया कोभिड १९ संक्रमण लने धुंकुगु दु ।

चीनया छगु अनुशन्धानं लंपिं मध्ये १४ प्रतिशतयाके हाकनं कोभिड १९ खनेदत । व जूगुलिं कोभिड १९ लने धुंका नं १४ दिं क्वारान्टाइनय् च्वनेमाःगु चिकित्सक तयेसं न्ह्यथंगु दु ।

उखे दकलय् अप्वः संक्रमण ल्याः खनेदूगु अमेरिकाय् थ्यं मथ्यं निगु निसें स्वंगु लख मनुतय् ज्यान वनेफूगु अमेरिकी चिकित्सा विज्ञं अनुमान याःगु दु । न्यासनल इन्टिच्यूट अफ एलर्जि एण्ड इन्फेक्सियस डिजिजया निर्देशक डा.एन्थोनी फाउचिया कथं थुलि मनुत सीगु व छगु इलय् थ्व संक्रमणया ल्या म्हो जुइधुंका थप अनुसन्धान यायेगु न्ह्यथनादीगु दु । अमेरिकी राष्ट्रपतिं धाःसा थःपिनि स्वास्थ्य व्यवस्था दकलय् बांलागुलिं अमेरिकायात बन्द मयायेगु व थ्व ल्वय् याकनं लनीगु न्ह्यथनादीगु दु । अमेरिकी राष्ट्रपति गैर जिम्मेवार जूगु धाःसें आलोचना जुयाच्वंगु दु ।

Share on Google Plus

News: Newa News

    छ्याता
    फेसबुक छ्याता