बा : स्व मैँ व मिजं ठिक मनं । वया मेम्ह मिसा दु । छंत वं झंग लानाच्वन ।
म्हाय् : मखु बाः व जित तस्कं यः । जि वैगु हे जुइ । वं मेम्ह त्वःति धाःगु दु ।
बा : अथेखःसा जित नाप लाकि । छक खँ ब्याके ।
छुं ई लिपा ।
बा : का बौ छ जिमि म्हाय्यात तस्कं यः हँ । छँ नं यः ला ?
मिसाह्यः : यः बाः जित नं तस्कं यः ।
बा : अथेखःसा ठिक जू । छं मेम्ह मिसा दु धाःगु न्यना । वैत त्वःति अले छिपिं निम्हसिया ब्याहा यानाबी ।
मिसाह्यः : मखु बा । जिं त्वते मखु । जि निम्हं ब्याहा यायेगु ।
बा (तमं) : गज्यागु जाग्वारा खँ ल्हाइगु । छं जिमि म्हाय् ब्याः यायेगु खःसा मेम्ह मिसा त्वतेमा ।
मिसाह्यः : जि निम्हं लहिफु । जि मेपिं न्याम्ह गर्लफेन्ड तया जुइ फुम्ह खः ।
बा (अजू चाचां) : का खन मखुला ? छं ययेकातम्हसिया ताल । थज्याम्ह मिसाह्यःयात ययेकाच्वंगु ।
लाति म्हाय् : वं न्याम्ह मिसा चाःहिकूसां जित व हे यः ।
बा थः म्हाय्या ताल खना अक्क नं पक्क ।
छ्याता
फेसबुक छ्याता