क्यानाडाया प्रधानमन्त्री आइसोलेसनय् च्वनिगु, अमेरिकाया राष्ट्रपतिं कोरोनाया टेष्ट याइगु


हलिंया शक्तिशाली देया शक्तिशाली प्रमुखत कोरोनाया चपेताय् लाःगु दु । क्यानाडाया प्रधानमन्त्री जस्टिन त्रुडिउ कोरोनाया कारणं आइसोलेसनय् च्वनेत्यंगु दु । आइसोलेसन धैगु मेपिं सुयातं नापमलाःसे छें च्वनेगु खः । वयेकः थःत कोरोना भाइरस मदुसां कला सोफी ग्रीगोर त्रुडिउयात कोरोना भाइरस खनेदुगुलिं थुकथं छें हे याकःचा च्वनेत्यंगु खः । वयेकः छें च्वना हे ज्या यायेत्यंगु दु ।

उखे अमेरिकाय् संकतकाल लागु याःगु दु । राष्ट्रपति डोनाल्ड ट्रम्पं कोरोना भाइरसया ल्वगि अप्वःगुलिं थुकथं संकतकाल लागु यानादीगु खः । ब्राजिलया उच्च पदस्त अधिकारी नापं अष्ट्रेलियाया गृहमन्त्री नापलानादीम्ह ट्रम्पं थः नं कोरोना भाइरसया नितिं हि जाँच यायेगु न्ह्इथनादीगु दु । वयेकलं नापलानादीपिं उच्चपदस्तपिंके नै कोरोना संक्रमण खनेदूगु खः । थ्व न्ह्यः अमेरिकां बेलायत बाहेक युरोपया दक्वं उदान रद्द यानादीगु खःसा बेलायतया उदान नं रद्द यायेगु न्ह्यथंगु दु ।

Share on Google Plus

News: Anonymous

    छ्याता
    फेसबुक छ्याता