निक्वःगु चीहाः संकिपा धेधेबल्ला कासाय् लियांल्यू लायेत ताःलाःगु संकिपा इन्द्रायणीया औपचारिक पितब्वज्या जुइत्यंगु दु । दर्शन शाक्यया निर्देशन नापं नरेशवीर शाक्यया निर्माण थूगु संकिपा इन्द्रायणी द्यःया लोकबाखनय् आधारित खः । गोदावरी नगरपालिकाया मेयर गजेन्द्र महर्जनया मूपाहाँसुइ जुइगु पितब्वज्या ज्याझ्वलय् संकिपा देकेत ग्वाहालि याःपिंत हनेत्यंगु खः ।
संकिपाय् इन्द्रायणीया भुमिका आराध्य लक्ष्मी खड्गीं यानादीगु दु । अथेहे रुपेन श्रेष्ठ नापं थीथी कलाकारया भुमिका दु । मनोज रत्न शाहीया छायांकन नापं सम्पादन दूगु संकिपाय् राजन शाहीया सहनिर्देशन दु ।
पेजथ्री बाछिपौया न्ह्यब्वया थूगु संकिपाया ज्याझ्वः बज्रबाराहिइ शनिबाः फागुन १७ गते जुइत्यंगु खः ।
छ्याता
फेसबुक छ्याता