ओन्डे ल्यायेम्ह पुचःया त्यःछिंत्यः


वंगु शुक्रबाः येंया ओन्डे त्वाःया ग्वसालय् त्यःछिंत्यः ज्याझ्वः क्वचाल । योमरि पुन्हि क्वचाःसां थीथी थासय् त्यःछिंत्यः ज्याझ्वः धासा जुयाच्वंगु दु । थुकिं नं थुगु नखःया रौनक ल्यंदनीगु क्यं । येंया टेकुइ च्वंगु वन्डे त्वाः वडा १२य् लाः ।

थनयागु हे ओन्दे ल्यायेम्ह पुचःया न्ह्यब्वया कथं त्यःछिंत्यः ज्याझ्वः जूगु खःसा ज्याझ्वलय् मूपाहाँ कथं पुलाम्ह राज्यमन्त्री तीर्थराम डंगोल झाःगु खः । परम्परागत ओन्दे त्वाः खलःया नायः पुर्णमान महर्जनया सभानायःसुइ न्ह्याःगु ज्याझ्वलय् नारायण परिवार क्लबया नायः प्रचण्डमान बज्राचार्य, ज्यापु सँस्कृति विकास कोषया नायः मंगलकृष्ण सिंह, ज्यापु महागुथि नेपाःया नायः राजभाई जकःमि, १३क्वःगु राष्ट्रिय ज्यापु दिवस कजि गोविन्द महर्जन, ज्यापु महागुथि नेपाःया मूछ्याञ्जे मचाराजा महर्जन, महिला बौद्ध समुहया नायः श्रीमिला सुवाल, मिसा लिधंसा पुचःया नायः गंगादेवी डंगोल आदि पाँहां कथं झाःगु खः ।

ज्याझ्वलय् सागय् लुँ त्याःपिं १२ वडावासीयात हंगु खः । कराते ६८ केजी क्वय् लुँया पदक त्याम्ह सुनिता महर्जन व जुडो ७८ केजी क्वय् लुँया पदक त्याम्ह पुनम श्रेष्ठयात हंगु खः । निम्हं मयेजुपिं तःननीया खः । अमिना प्रजापति व रुवि डंगोलं न्ह्याकूगु ज्याझ्वलय् पाहाँपिनि नुगः खँ धुंका सांगितिक ज्याझ्वः जूगु खः ।











Share on Google Plus

News: Newa News

    छ्याता
    फेसबुक छ्याता