चीहाः संकिपा कासाया लिच्वः थाै‌ं २४ गते



नेपालभासा चीहाः संकिपा कासा ११३९ य् मुक्कं १६गु चीहाकःगु संकिपा दुथ्यागु दु । थुकिया लिच्वः थाैं कार्तिक २४ गते बीगु ग्वसा खलकं न्ह्यथंगु दु । कार्तिक २१, २२ व २४ गते स्वनिगःया स्वथाय् क्यनेत्यंगु थुगु संकिपात क्यनेज्या या दकलय् लिपांगु दिं त्याः बुया लिच्व बीत्यंगु खः । 

दकलय् न्हापां २१ गते यलया ग्वार्कोय् क्यंगु थ्व १६ गु सकिंपा २२ गते ख्वपया बाराही मुभिजय् क्यने धु‌ंकुगु दु । थाैं लिपांगु दिं बालाजुया अष्ट नारायणय् सुथसिया ७ः३० ता इलय् क्यने त्यंगु दु । क्यने ज्या क्वचायेधुंका सिरपा लल्हायेगु ग्वसा खलकं घाेषणा याःगु दु । दछि न्ह्यः जूगु कासाय् १० गु चीहाकःगु संकिपा दुहाँ वःगु खःसा थुगुसि ल्याः अप्वःगु दु । 

थुगुसि निम्ह डाइरेक्टरं ह्यात्रिक याःगु दु । प्रज्वल शाक्यया घात, लसता व लिच्यूगु स्वचेतना दुत्युंगु दुसा योवन शाक्यया आस्था, ध्वः छध्वः रेखां क्यूगु व ह्याउँगु हि दुतिउँवःगु दु । 

न्हापाया चीहा संकिपा धेधेबल्लाया त्याकामि सुनिता राजभण्डारीया ग्वाय् पिया सुकुद्या दुत्यूगु दुसा, न्हापा ल्यू जुयादिम्ह दर्शन शाक्यया इन्द्रायणी दुत्यूगु दु अथेहे लियांल्यू जुया दिम्ह रामकृष्ण खड्गीया स्वार्थ दुत्यूंगु दु ।
रजिन महर्जनया म्यूजियम, प्रमिला मानन्धरया घःचा, शंकर खड्गीया कुमति, राजेश मान सिंहया नसा, निर्जल श्रेष्ठया पसः व हर्केमाइलाया बैना भ्वं दुथ्याःगु दु । थुपिं सकिंपायामुक्कं स्वघौ चाःचू ई काइगु ग्वसा खलःपाखें पवित्र कसाः जुं न्ह्यथनादीगु दु ।

लिच्व वयेधुंका न्हापा लाम्हेसित ७५,०००, ल्यू लाम्हेसित ५०,०००, लियाँल्यू लापिं निम्हसित २५,०००, २५,००० व संकिपा दुथ्यापिं सकलसित सान्त्वना कथं बीगु न्ह्यथंगु दु ।

















Share on Google Plus

News: Newa News

    छ्याता
    फेसबुक छ्याता