रत्नतारा ताम्राकारया ज्याः जंक्वया सफू वल


रत्नतारा ताम्रकारया उदाय् जातिया संस्कार ज्याःजंक्व स्वब्व पितब्वज्या जूगु दु । सफूया नामय् उदाय् जाति दःसां नेवाः तयेगु हे ज्याःजंक्वया विषयलय् दूगु च्वमि मयेजुं न्ह्यथनादिल ।

च्वमिया थ्व न्ह्यः तजिलजिया न्ह्यायेकं नापं च्यागु सफु प्रकाशन जुइधुंकुगु दु ।

उदाय् समाजया ज्याथःम्ह १०६ दुम्ह ज्याथा मोती कृष्ण तुलाधर व ज्याथा त्रैलोक्य मान ताम्राकारं पितब्वयादीगु  खः ।


विश्व ब्यापी शान्ति अभियानया ग्वसालय् जूगु ज्याझ्वलय् नेपाल प्रज्ञाप्रतिष्ठानया कुलपति गंगाधर उप्रेती मूपाहाँ जुयादीगु खः । ग्वसाः संस्थाया नायः प्रेम नाथ जोशीया नायःसुइ न्ह्याःगु  ज्याझ्वलय् समालोचक प्रा पूर्ण काजि ताम्राकारं च्वमिया संक्षिप्त म्हसीका न्ह्यब्वयादिल ।

ज्याझ्वलय् समाजसेवी हितकर वीर सिह कंसाकारं च्वमि ताम्राकारयात हनापौ लःल्हानादीगु खः । पिदंगु सफूया बःचा हाकःगु समिक्षा तकं वयेकलं यानादिल ।

ज्याझ्वलय् उदाय् समाजया पुलांम्ह नायः पञ्चवीर सिं तुलाधर, तवः समाज येँया नायः तेज रत्न कंसाकार, ताम्राकार समाज यलया नायः रविन्द्र  ताम्राकार, प्रा प्रेम शान्ति तुलाधरपिंसं नुगःखँ तयादीगु खः ।

source : newa suchana kendra
Share on Google Plus

News: Newa News

    छ्याता
    फेसबुक छ्याता