थनया वडां. ५ किसिपिडिया सनसाइन स्कुलय जुइगु तालिमय् प्रशिक्षक शिक्षक धीर सुवाल बिइगु तालिम वइगु मंसिर ५ गते बिहीवाः निसें सुथंसिया ७—८ ताः ई न्ह्याइगु जूगु दु ।
चन्द्रागिरी एकिकृत समाजया दाँभरि (कोषाध्यक्ष) महेश्वर श्रेष्ठया कथं थुगु तालिमय् तामाङ्ग, गुरुङ्ग, ब्रम्हु क्षेत्री लगायत नेवाः समुदाय पिनिगु तकं ब्वति काइगु न्ह्यथनादील ।
ज्याझ्वया मूपाहाँ कथं झायादीम्ह चन्द्रागिरी नगरपालिकाया उपमेयर लिशा नर्कमी, वडा नं. ५ का अध्यक्ष अनुरुद्र महर्जन, हलि नेवाः गुथिका अध्यक्ष जुजुमान श्रेष्ठ, अतिथि एवम् प्रशिक्षक धीर सुवाल तथा नेवाः विद्यार्थी युनियन तथा मातृभाषा बचाउँ अभियन्ता (नेपाल भासा) रीदेन महर्जन पाहाँकथं झायादीगु खः ।
प्रशिक्षक धीर सुवाल कथं, झीगु भाषा, लिपि मस्याहे झीगु समाज ल्यूने लाःगु खः । नामं जक नेवाः जुया झीगु अस्तित्व दैमखु भाय्, अथेहे जुया झीसं झीगु भाषा, लिपि मसया झीगु समाज ल्यूने लाःगु खः । गुलिन पुलांगु अभिलेख, थ्याः सपूm स्वनिगःया देगःया जानकारी कायेगु खःसा रञ्जना लिपि, प्रचलित लिपि, भुजिम्व, कुम्व लिपि छ्याबुलाय् वइच्वंगु धापु प्वंकादील ।
थुगु १५ यंकया तालिमं तालिमबाट भाषा, लिपि, संस्कृतिया संरक्षण, प्रर्वद्धनय् महत्वपूर्ण जुइगु खँ वडा नंं. ५ का अध्यक्ष अनुरुद्र महर्जन धयादिल ।
ज्याझ्वया पाहाँकथं झायादिम्ह हलि नेवाः गुथिया नायः जुजुमान श्रेष्ठं हलिया थीथी लिपि मध्ये रञ्जना लिपि संसारकै उत्कृष्ट लिपि दुने लाःगु जुल । थ्व बांलाक्क च्वये ब्वने सल धाःसा अभिलेख अध्ययन अनुसन्धान गरी पुलांगु धार्मिक ग्रन्थ, साहित्य व ज्ञानबद्र्धक खँया जानकारी काये फै ।
लिसे वय्कलं, विदेशीत नेपाः देशय् झाया नेपालभासाय् पि.एच. डी याई तर नेपाःमिपिंसं गुलि मात्रा अध्ययन अनुसन्धान संरक्षण, प्रर्वद्धन हुन याये मफुगुयात कयाः चिउता प्वंकादिल ।
नेपालय् आपालं खँत दु झीसं विदेशीं धाःगु जक खँत पत्या याइ तर नेपाःमि धाइगु खँ यात कयाः पत्या याइमखु । अमेरिकाय् संस्कृत भासं पढाइ जुइ तर नेपालय् नेपाली भाषा व अंग्रेजी भाषा मात्रै पढाइ जुइ छगू अध्ययन कथं मस्तय्सं बहु भाषा सयेकल धाःसा आपालं प्रगती याइगु धापू तयादील ।
अतिथि कथं झायादिम्ह नेवाः विद्यार्थी युनियन तथा मातृभाषा बचाउँ अभियन्ता (नेपाल भासा) रीदेन महर्जन, थुगु प्रशिक्षण तालिम अनिवार्य रुप काये हे माःगु तालिम खः । नेपाल धकाः हलिमय् म्हिसिका ब्यूगु रञ्जना लिपि, नेपाल सम्वंत खः । थुगु १५ यंकया तालिम कायेगु लिसें नेपालभासां आखः ब्वन धाःसा अझ तसकं सुथांलायगु धापू तयादील ।
थुगु चन्द्रागिरी एकिकृत समाजया नायो एकिश प्रकाश उप्रेतीं , ‘थौं झीसं झीगु भाषा, संस्कृति, लिपि मल्यंकूबले, थःगु पहः ल्यंका तये मफया थीथी लेखत संस्कृति झल्काउने संरचनात दयेके मफया कालापानी र लिपुलेक थौं भारतीय कब्जाय् लात । थुकि सकल नेपाःमि लगायत नेता तय्सं इलय् हे चिउताका माःगु दु ।’
थुगु तालिमपाखें प्रशिक्षार्थीपिं लाभाविन्त जया नेपाःया भाषा, लिपि, संस्कृति संरक्षणमा महत्वपुर्ण भूमिका म्हितेगु धापु तयादील ।
वि.सं. २०७४ पलिस्था जुगु थुगु एकिकृत समाज सुधार, महिला लक्षित ज्याझ्वःत लिसें भाषा संस्कृति ल्यंकेत थीथी ज्याझ्वःत न्ह्याका वइच्वंगु संस्था खः ।
छ्याता
फेसबुक छ्याता