चीहा संकिपा धेधेबल्ला कासाय् थुगुसि स्वंगु संकिपा दुथ्याकादीपिं न्हूपिं निर्मातापिं खः वरिष्ठ छाँयाकार बि.के जल्मी व प्रतिभाशाली कलाकार, मोडल नापं प्रतिष्ठित फेसन डिजाइनर शोभा महर्जन । न्हापाया वर्षय् जूगु कासाय् ब्वतिकाम्ह निर्देशक नापं निर्माता प्रज्वल शाक्यलिसे जाना निर्माण याःगु संकिपाया अनुभव तिकिझ्याः नाप :
छाँयाकार, सम्पादक बि.के जल्मी
घात, लसता व लिच्यूगु स्वचेतना देकेधुंकाया अनुभव :
न्हापा निसेंं म्यूजिक भिडियो जक देका वयाच्वना । संकिपा देकेबलय् तसकं न्हूगु अनुभव जुल । म्यूजिक भिडियो नं छगु कथं सर्ट मुभि हे खः, उकि सम्बाद जक दैमखु । झीसँ यात धासा याये मफइगु छुं नं मदु थें च्वं । झीसँ कम बजेतय् थुगुसि स्वंगु संकिपा तयार याना व नं एकदम कम इलय् । स्वलाय् दुने स्वंगु संकिपा पुवन । अथे जुया झीसँ संकल्प यात धासा व ज्या अवश्य पूवनि ।
स्वंगु गथे देकादिया ?
खास प्यंगु स्किृप्त वःगु खः । प्यंगुलिं देकेगु खँ सल्लाह जुल । तर इलं मगाना स्वंगु देके सिधल । थ्व देकेत झीगु टिमयागु तधंगु ल्हाः दु । विशेष याना परिकल्पनाकार निसें कलाकार मोडल शोभा महर्जन व डाइरेक्टर प्रज्वल शाक्यया विशेष ल्हाः दु । १७, १८ वर्ष थ्व ख्यलय् जुइधुंकल, छगु संकिपाय् जिगु अभिनय तकं स्वय् खनि ।
कलाकार शोभा महर्जन
स्वंगु गथे देकादिया ?
कलाकारीता ख्यलय् वयागु निदँ तिनि दत । थ्व दौरान यक्व प्रोजेक्ट यानागु दु । डाइरेक्टर प्रज्वल शाक्यं थःगु सर्ट मुभिया नितिं जित इनाप यानादिल । बिके जल्मी दाई नापं झी स्वम्ह च्वना खँ ब्याका झी मिलेजुया निर्माण यायेगु क्वजिल । सँस्कृतियात बः बीगु कथंया परिकल्पना याना अन हे स्वंगु कन्सेप्ट पिहाँ वल । स्वंगुलिं कुतः याना स्वय्गु बांलागु बुझेयायेगु सल्लाह जुगु खः ।
निर्माता जुइ धुंकाया पलाः
कलाकारीता लागाय् वयेधुंका आः निर्माण नं यायेमाल । निर्देशन नं स्यना च्वनागु दु । लिपा सफल निर्देशक जुया वयेगु कुतः याये ।
छ्याता
फेसबुक छ्याता