थौं निसें निन्हुयंक साहित्यिक महोत्सव

थौं निसें निन्हुयंक नेपाल प्रज्ञा प्रतिष्ठानय् साहित्यिक महोत्सव जुइत्यंगु दु । शुक्रबाः व शनिबाः जुइगु महोत्सवया आज्जु नेपालभाषा साहित्ययात थपू यायेगु ग्वसाः खलःया धापु दु ।

नेपालभाषा टाइम्स पत्रिकाया ग्वसालय् जुयाच्वंगु थुगु महोत्सवया स्वब्व खः । महोत्ससवया न्हापांगु दिं थीथी विधाया ७ गु सफू पितब्वज्या जुइत्यंगु दु । उपन्यासकार मथुरा सायमिया आत्मकथा, भूषणप्रसाद श्रेष्ठया गजल संग्रह, राजेन्द्रकुमार पुताया गजल समालोचना नापं चिनाखँ मुना पितब्वज्या जुइत्यंगु खः ।

अथेहे राज सायमिया जासुस उपन्यास, उद्धम मास्केया नियात्रा व बासुदेव अधिकारीया भाय् हिला चिनाखँ मुना पितबीत्यंगु खः । थौं न्हापांगु दिं रञ्जना लिपिया पुनरुत्थानबारे अन्तरक्रिया, साहित्यिक रचना पाठ व सांगितिक नापं हास्यव्यंग्यपूर्ण प्रहसन न्ह्यब्वयेत्यंगु दु ।

कन्हे मथुरा सायमिया साहित्यिक यात्राबारे चर्चा व नेपाल भाषाया संकिपाबारे अन्तरक्रिया जुइ । कन्हे हे रचना पाठ व सांगीतिक ज्याझ्वः नं तयातःगु दु ।

महोत्सवय् ३५म्ह वरिष्ठ नापं युवा साहित्यकारया चिनाखँ व बाखँ वाचन जुइत्यंगु दु । अथेहे पद्यरत्न तुलाधर, विजय मानन्धर व रामकृष्ण खड्गीं च्वयातःगु प्रहसन तकं क्यनेत्यंगु दु । यमन श्रेष्ठ, रानीशोभा महर्जन व रोजी डंगोलया सांगीतिक न्ह्यब्वया दइगु दिं वैकुण्ठ भण्डारीं क्यारिकेचर यानादी । नसा त्वँसाया स्टल नापं रञ्जना लिपिया क्यालिजात्रा तकं तयेत्यंगु दु ।

Share on Google Plus

News: Newa News

    छ्याता
    फेसबुक छ्याता