सरकारं दुरुया भाः थकाःगु दु । बजारय् वइगु दुरुया भाः प्रतिलिटर खुतका अप्वयेकेगु क्वछ्यूगु दुग्ध विकास संस्थानं न्ह्यथनादिल ।
कृषि व पशुपन्छी विकास मन्त्रालय नं प्रतिलिटर खुतका अप्वयेकेत संस्थानयात बिहीबार पाै छ्वःगु खः । थाैं शुक्रबार बजारय् छ्वइगु दुरुया प्याकेजिङ जूगुलिं २१ गते शनिबाः निसें न्हू भाः जुइत्यंगु खः ।
सरकारं दुरुया भा अप्वयेकेत २९ साउनय् दुग्ध विकास बोर्डया निमित्त कार्यकारी निर्देशक बाबुकाजी पन्तया नेतृत्वय् कार्यदल देकुगु खः । कार्यदलं म्हाे दुरु उत्पादन जुइगु मौसमय् झितका व अप्व उत्पादन जुइगु मौसमय् न्यातका व ७९ पैसा अप्वयेकेत प्रस्ताव याःगु खः ।
संस्थानया कथं अप्वःगु भाःया ६९ प्रतिशत अर्थात प्यतका १६ पैसा किसानयात दइसा ३१ प्रतिशत अर्थात छतका ८४ पैसा व्यवसायीयात ।
न्हू भाः कथं बजारय् दुरुया भाः प्रति लिटर ७६ तका जूगु दु ।
छ्याता
फेसबुक छ्याता