जगतसुन्दर ब्वनेकुथिया ब्वनामीपिंत लल्हात डस्टवीन


जगतसुन्दर ब्वनेकुथिया २०० म्ह मस्तयेत लक्षित याना फोहोरं मोहोर ज्याझ्वः अन्तर्गत ग्लोबल नेपाल नेटवर्कं स्वंगः फोहोरया डस्टवीन लल्हाःगु दु । मू पाहाँ सांसद नापं पुलांम्ह रक्षामन्त्री भीमसेनदास प्रधानं ब्वनेकुथिया निम्ह निम्ह मस्तयेत छगः छगः डस्टवीन लल्हाःगु खः ।


नँ, भ्वं व प्ल्यास्टिक मुंकेत स्वंगः डस्टवीन लल्हाःगु खःसा ब्वनेकुथिया ब्वनामीपिंसं थःथःगु छे्रं पिहाँ वइगु थज्यागु फोहोर ब्वनेकुथिइ तःहयेमा । न्हिइ १० केजी मुंकेगु ग्वसा दुगु ग्लोबल नेपाल नेटवर्कया कजि सुनिल शाक्यं न्ह्यथनादिल ।
थुगु फोहोर डस्टवीनय् जाय् धुंका कवाडीयात मीगु व उगु ध्यबां ब्वनेकुथिया हितय् छ्यलेगु उद्घोषक नापं ब्वनेकुथिया प्रिन्सिपल सुनिता मानन्धरं न्ह्यथनादिल । गुलि फत उलि न्याकनं फोहोर जायेकेगु नितिं मस्तयेत जिम्मा बियागु वयेकलं न्ह्यथनादिल ।



हाकनं छ्यलेज्यूगु फोहोर जक मुंकेगु व थुकिं २०० छेंया प्ल्यास्टिक, नँ व भ्वँया फोहोर म्हो जुइगु व थथे अभियान मेमेगु ब्वनेकुथिइ नं न्ह्याका फोहोर हे म्हो यायेगु अभियान यायेत्यनागु कजि शाक्यं न्ह्यथनादिल । फोहोर व्यवस्थापनया नितिं येंया मेयर विद्या सुन्दर शाक्य नाप नं खल्हाबल्हा जुयाच्वंगु वयेकलं न्ह्यथनादिल । जापानय् च्वनावयाच्वंम्ह शाक्यं थः काय् यात जापानया ब्वनेकुथिं याकाच्वंगु फोहोर व्यवस्थापन नेपालय् हस्तान्तरण याये कथं नेपाः बसाइया चिधंगु इलय् जगतसुन्दरय् ज्याझ्वः यानादिगु खः । वयेकलं थःम्हं जापानय् बैगःया फोहोरयात गुकथं चा दयेका धका स्यना तकं दीगु दु ।


जगतसुन्दर ब्वनेकुथिइ न्ह्याःगु हस्तान्तरण ज्याझ्वलय् डा. चुण्डा बज्राचार्य सभा नायः कथं झायादीगु खःसा ग्वसाखलः पाखें कुमुद श्रेष्ठ पाहाँ कथं झायादीगु खः ।









Share on Google Plus

News: Newa News

    छ्याता
    फेसबुक छ्याता