शिक्षाया महत्व दु तर जागिर नयेत माःगु कथंया शिक्षा हासिल याये हे माः । सरकारी शिक्षा पद्धतिया बारे ध्वाथुइकुसें यें महानगरपालिका मेयर विद्यासुन्दर शाक्यं एसईई पास जुपिंत भिंतुना देछानादिल ।
यें मनपा २१ वडा बाकुननी पुचः पाखें ५ क्वःगु खुसिइ याःगु एसईई हनाबना ज्वाझ्वलय् पाहाँ कथं झायादिम्ह मेयर शाक्यं ब्वनामिपिंत हाैसला बियादीगु खः । ५६ म्ह ब्वनामि हना ज्याझ्वलय् मू पाहाँ कथं संघीय सांसद कृष्ण गोपाल श्रेष्ठ झाःगु खःसा प्रदेश सभा सांसद डा अजय क्रान्ति शाक्य, वडा २१ वडाध्यक्ष चुडामणी बज्राचार्य व हनुमानध्वाखा दरबार संरक्षण कार्यक्रम प्रमुख उदय पसःखलः पाहाँ कथं झाःगु खः ।
गोलाप्रथा पाखें ९ म्ह ब्वनामियात धासा विशेष भाग्यशाली सिरपा देछाःगु खः ।
बाकुननी पुचःया नायः गौतम प्रधानया लसकुस नापं न्ह्याःगु ज्याझ्वलय् छ्याञ्जे रविन महर्जनं प्रगति विवरण न्ह्यब्वःगु खःसा न्वकु कविन्द्र महर्जनं ब्वनामिपिंत भिंतुना देछासें सुभाय् न्वचु बियादीगु खः ।
छ्याता
फेसबुक छ्याता