२ अर्ब १२ करोड ६२ लख खर्च नाप पुरातात्विक व सांस्कृतिक सम्पदा हाकन देकेज्याय् जूगु दु । राष्ट्रिय पुनर्निर्माण प्राधिकरणया कथं स्वसः व चयेगु सम्पदाया देकेज्या जूगु दु । थुसि मेगु सछि व ५० गु सम्पदाया देकेज्या जुइ । भुखाचां क्षति जुइधुका सम्पदाया हाकनं देकेज्या जुयाच्वंगु खः ।
विश्व सम्पदा धलखय् लाःगु ९६ गु सम्पदा थुकि दुथ्या । हनुमानध्वाखा दरबार क्षेत्रया गद्दी बैठक, नाट्यश्वर देगः, कृष्ण देगः, नगरा छें, प्रताप मल्लया सालिक तयेज्या नापं तलेजु देगःया देकेज्या क्वचाःगु दु । ख्वप दरबार लागाया खौमा गेट, सिद्धिलक्ष्मी देगः, नारायण देगः, शंकरनारायण नापंया देकेज्या जूगु दु ।
प्राधिकरणया प्रमुख कार्यकारी अधिकृत सुशील ज्ञवालीं निजी छें हानं देकेज्या यक्व क्वचाये धुंकुगुलिं पुरातात्विक व सांस्कृतिक सम्पदाया देकेज्या यात विशेष प्राथमिकता बियागु न्ह्यथनादिल । पुरातत्व विभागया निमित्त महानिर्देशक दामोदर गौतमं चालू आर्थिक वर्षदुने सछि व ५०गु सम्पदाया देकेज्या जुइ ।
थाैंकन्हे लानीपुखु, धरहरा, मरुसतः व गुतँजा दरबार, बुगद्यःया देगः, नुवाकोटया न्हयेतँ जाःगु दरबार नापं दु ।
पुरातात्विक सम्पदाया हाकनं देकेज्या नेपाल सरकारया स्रोत नापनापं थीथी राष्ट्रं नं ग्वाहाली याःगु दु । भुखाचं च्यासः ९१ गु पुरातात्विक नापं सांस्कृतिक महत्वया सम्पदा स्यंगु दु । थ्व मध्ये न्हे ५३ गु भुखाचं अति प्रभावित १४ जिल्लात दु । अथेहे भुखाचं १७ गु जिल्लाया सछि व ३८ गु सम्पदा दु ।
छ्याता
फेसबुक छ्याता