पशुपतिनाथयात जनि हिल, बगलामुखिइ भव्य मेला


जनिपुन्हिया छन्हु न्ह्यः म्हगः बुधबाः पशुपतिनाथयात डेढ सय मिटर ताःहाकःगु जनि ह्यूगु दु । पशुपतिनाथया मू पुजारी गणेश भट्टं विधानपूर्वक जनि ह्यूगु खः । पशुपतिनाथया विसेट अरुण श्रेष्ठं देगःयात डेढ सय मिटर ताःहाकःगु जनि घेरा तया च्यूगु खः । ज्योतिर्लिङ्गय् धासा ब्यागलं जनि तःगु दु । पशुपतिनाथया मू पुजारीं अमालकोट कचहरीपाखेंया रकमी कर्मचारी व विसेट भण्डारीयात नं जनि तयेकुगु दु ।

पशुपतिनाथया जनि हिलेधुंका सिलुइ म्वःल्हुइत वनि धैगु मान्यताय् विधिवत् रुपं जनि हिलेगु यानावयाच्वंगु कोटवाल पूर्णनारायण जोशीं न्ह्यथनादिल । नाथ रात्रि स्नानलिपा थाैं बिहीबाः सुथः हाकनं नियमित पूजा प्रक्रिया जुइ । थाैं यलया बगलामुखिया कुम्भेश्वरय् भव्य मेला दु ।
Share on Google Plus

News: Newa News

    छ्याता
    फेसबुक छ्याता