सर्लाहीया मलंगवानिसें यें वयाच्वंगु बस धादिङय् दुर्घटना जुया स्वम्हसिया ज्यान वंगु दु । १४ म्ह स्वयां अप्व घाःपा जूगु दुसा दर्जनस्वयां अप्व यात्रु खुसिइ तनाच्वंगु आशंका दु ।
ना ६ ख ७४६९ नम्बरया रात्रिबस थाैं सुथः ३ः३० ता इलय् धादिङया बेनी रोराङ गाउँपालिका–३, सलाङघाटय् दुर्घटना जुया त्रिशूलीइ कुतुवंगु खः ।
धादिङय् कार्यरत नेपाल प्रहरीया एसपी राजकुमार बैदवारं दुर्घटनाय् स्वम्ह स्यूगु पुष्टि याःगु खः । सीपिनि सनाखत मजूनि ।
दुर्घटनामा घाःपा जूपिं १६ म्ह मध्ये छुं गम्भीर अवस्थाय् दूगु व उद्धार याना थीथी अस्पतालय् छ्वःगु जिल्ला प्रहरी कार्यालय, धादिङं न्ह्यथंगु दु ।
बसय् ३८ यात्रु सवार जूगु खः । ३ म्ह स्यूगु, १६ म्ह उद्धार जूगु दुसा ल्यंदुपिं यात्रु त्रिशूली खुसिइ तनाच्वंगु खः ।
बस सतकं थ्यंमथ्यं निसः मिटर क्वय् त्रिशूली खुसिइ कुतुवंगु खः । चालक न्ह्यःवगुलिं दुर्घटना जूगु प्रहरीया प्रारम्भिक अनुमान दु । व थप अनुसन्धान जुयाच्वंगु प्रहरीं न्ह्यथंगु दु ।
छ्याता
फेसबुक छ्याता