नेपालं अपुक हे कुवेतयात बुकुगु दु । शनिबार सुथः जूगु कासाय् नेपां कुवेतयात ७ गु विकेटं बुकल । कुवेतं न्हापा ब्याटिंग याना १४२ रनया आज्जु ब्यूगु खःसा नेपालं १६ ओभरय् स्वंगु विकेट तंका १४३ रन देकल ।
नेपाः त्यायेत कप्तान पारस खड्कां शानदार प्रदर्शन याःगु खः । पारसं ४२ बलय् ६८ रन थ्वात । पारसं ११ चौका १ छक्का कयेकुगु खः । थ्व नापं पारस टी–ट्वान्टी अन्तराष्ट्रिय कासाय् स्वंगु अर्धशतक दयेकुम्ह न्हापाम्ह नेपाली कासामी जूगु दु ।
कासाय् शरद भेसवाकरं अविजित ३८ रन व ज्ञानेन्द्र मल्लं १९ रन दयेकुगु खः । टस बुना न्हापा ब्याटिङ याःगु कुवेतं २० ओभर म्हता ९ विकेट तंका १४१ रन दयेकुगु खः ।
सिंगापुरय् जुयाच्वंगु आईसीसी टी–ट्वान्टी विश्वकप ल्ययेज्याय् एसिया फाइनलय् नेपाःया स्वंगुगु कासा जूगु खः । त्याय् नापं नेपाःया ग्लोबल ल्ययेज्याय् थ्यनेगु सम्भावना बल्लागु दु । नेपालं आइतबाः आयोजक सिंगापुरनाप लिपांगु कासा म्हितेत्यंगु दु । सिंगापुरयात बुकुसा नेपाः ग्लोबल ल्यायेज्याय् थ्यनि ।
छ्याता
फेसबुक छ्याता