टी-२० विश्वकप एसियाय् नेपाः बुत, ब्यूगु पदक तकं लितकाल


सिंगापुरय् थाैं नेपाली क्रिकेट पुचःयात भाग्यं निक झंग लात । कप्तान पारस खड्काया कथं थाैंयागु दिं नेपाःया नितिं मखु । ग्वसा खलः सिंगापुरनाप तब्याःगु ८२ रनं बुत नेपाः । थ्व नापं टी-२० विश्वकपया ग्लोबल ल्ययेज्यां नेपाः पितिन ।

टी-२० विश्वकप एसियाय् सिंगापुरं ब्यूगु १९२ रनया आज्जू कायेत क्वाहाँवःगु नेपाली क्रिकेट पुचयात छगु लिपा मेगु धक्का जुल । बामलाःगु ब्याटिंगया हुनिं नेपाः १०९ रनय् अलआउट ।

ग्वसा खलकं नेपाःयात ल्यू लाःगु घोषणा यात । ल्यूया मेडल कासामीपिंत लःल्हात ।

त्याःगु सिंगापुरया कासामीयात नं मेडल व ट्रफी बिल । थ्व त्याये नापं सिंगापुर ग्लाेबल ल्ययेज्याय् थ्यन ।

ल्यू लाःगु नेपायात धासा ट्रफी मबिल ।

कारण नेपाः व कतारया ल्याः ४-४ । तर रन रेटया आधारं कतार न्ह्यःने लात । नेपाल ल्यू मखु लियांल्यू जूगु हाकनं घोषणा जुल ।
नेपामी कासामीया मेडल टिम म्यानेजर रमन सिवाकोटीं लितबियादिल ।

ग्वसा खलःया गल्तीं ब्यूगु मेडल तकं नेपालं लित बी माल ।
Share on Google Plus

News: Anonymous

    छ्याता
    फेसबुक छ्याता